حروف المد شرح حروف المد فى اللغة العربية
 |
| حروف المد شرح حروف المد |
حروف المد في اللغة العربية
حروف المد، شرح درس حروف المد، ما المقصود بالمد؟ ما حروف المد؟ ما شروط حروف المد؟ ما شرط المد بالياء؟
تعريف حروف المد
المد هو إطالة الصوت بالحرف أثناء الكلام.
ما هي حروف المد
-حروف المد ثلاثة هي (ا- و- ي)
ما هي حروف المد؟
السؤال هنا هو اي حرف (ا - و- ي) بيكون حرف مد؟؟؟!! الإجابة طبعآ لا.
شروط حروف المد
لو قلنا مثلا «ولد» هل الكلمة دي فيها حرف مد؟!
الطبيعي هتقول اه طبعا حرف «الواو» بس لو جينا نطبق الشروط بتاعتنا مش هتلاقي فيها حرف مد، مع إن حرف الواو فعلا من حروف المد، بالرغم من كدة هو في الكلمة دي مش حرف مد؛ لأن حرف المد مش بيكون في أول الكلمة، تعال بقى نعرف شروط المد.
قاعدة حروف المد
المد والمدود شروط وقواعد لا بد من الالتزام التام بها وهي:
أن يكون حرف المد في وسط الكلمة أو آخرها
- بمعنى أن حرف المد لو جه في أول الكلمة «ولد - احمد» مش بيكون حرف مد؛ لأن الشرط بتاعنا سقط هنا.
حرف المد لا بد أن يكون ساكن، المدود ساكنه دائماً
- لو قلنا مثلا «عصفور» هل الكلمة دي فيها حرف مد؟؟؟ نعم حرف الواو، الشرط الأول مطابق، حرف المد فى وسط الكلمة.
- طيب تعال نطبق الشرط التاني كدة، وهو إن حرف المد يكون ساكن، لو حبينا ننطق حرف الواو في كلمة «عصفور» مش هنحس بيه من الاساس، ده دليل على أنه ساكن عليه حركة السكون.
- لو مش مصدق عادي جدا تعال انطق الكلمات دي «ولد - وحيد -وادي» ولاحظ الفرق بينها وبين حرف الواو في كلمة «عصفور»...... دلوقتي قريت الكلمات؟ طيب لاحظت الفرق🤔🤔🤔 في الكلمات الأولي بنحس بنطق حرف الواو لانه حرف متحرك بالفتح.
- أما كلمة «عصفور -ممدود - هنود» فالواو هنا ساكنه، أغنت عنها حركة الحرف السابق لها بالضم، وهي على الترتيب « الفاء - الميم - النون »، فضم تلك الحروف اغنوا عن حرف الواو، فهو سقط نطقآ، ثبت كتابتآ.
كدة الشرط الثاني كمان اتطبق✔️✔️✔️
الشرط الثالث أن يكون الحرف السابق للحرف الممدود متحركآ
- ( بالفتحه - الضمة - الكسرة )، ومش بس كدة ده لازم تكون الحركة مناسبة لحرف المد، بمعنى أن حرف «الألف» بيحب الفتحة، الحرف اللي قبلة يكون متحرك بالفتح.
لو قلنا مثلا «سامح» تعال نطبق الشروط بتاعتنا، حرف المد «أ» في وسط الكلمة✔️حرف المد ساكن ✔️ الحرف اللي قبل حرف المد متحرك والحركة مناسبه، إحنا قولنا الألف بتحب الفتحة 😊 ولو بصينا على حركة حرف «س» في «سامح» عنلاقي السين مفتوحة يبقي كدة الشروط بتاعتنا التلاثة موجودة.
طيب سؤال هنا🤔🤔🤔 هو انت عرفت منين أن حرف السين مفتوح؟!؟ هقولك بكل بساطة لاني نطقت الكلمة بضم وكسر وفتح حرف السين مرة في كل حركة ولقيت نطقها الصحيح بالفتح......بإختصار انا بقدر أحدد حركة الحرف من خلال نطقي للحرف نفسه✒️✋.
وحرف الواو بيحب الحرف اللي قبله يكون مضموم😔 لو قلنا مثلا «عصفور»، يا ترى في هنا حرف مد والا لا🤔🤔منقدرش نحكم إلا بعد منطبق الشروط بتاعتي، اولآ حرف الواو في وسط الكلمة كدة الشرط الأول اتطبق✔️
حرف الواو ساكن يعني معلهوش فتحه ولا ضمة ولا كسرة، الشرط الثاني كمان اتطبق✔️✔️ الحرف إللي قبل حرف المد الواو متحرك بالضم، عليه ضمه «الفاء»، ولو مش مصدق انطق الكلمة 🙃🙃.
وحرف الياء بيحب الحرف اللي قبلة يكون مكسور 😭 مثال «نشيط».
منقدرش نقول حرف الياء ده حرف مد والا حرف عادي في الكلمة إلا لو طبقنا عليه الشروط بتاعتنا، اولآ في وسط الكلمة✔️ ساكن✔️الحرف اللي قبلة متحرك بالكسر✔️✔️كدبني كده 🔫🔫
هتقولي معلش عندي سؤال هموت واساله😥 هو لو عندي مثال كل الشروط متحققه فيه، بس الحركة مش مناسبة ده بيكون حرف مد والا لا🤔🤔.
طيب يا بطل ركز معايا إحنا قولنا إن لو اي شرط من دول👆👆قال والله انا مش معاكم يبقي مش بيكون حرف مد، يعني لازم الشروط كلها تتحقق معانا، وهضربلك مثال لو قولنا « طيارة»، هنا حرف «الياء» من حروف المد 🤷 في وسط الكلمة✔️ ساكن✔️ متحرك✔️ بس الحركة مش مناسبة ❌ يبقي مش حرف مد😔 الياء عايزة الحرف اللي قبلها مكسور، وفي المثال حركة الحرف اللي قبل الياء الفتح وكده في شرط بيختل، فالبتالي حرف الياء مش حرف مد في المثال......
بإختصار لازم الشروط الثلاثة يكونوا موجودين✔️...
المد والمدود
باقي نقطة بسيطة بس وهي الحرف الممدود، الحرف الممدود هنتكلم عنه في الدرس القادم بإذن الله
تمارين على حروف المد
إستخرج حرف المد من الكلمات الأتية وبين علة إستخراجه.
( مسعود - نبيل - كاتب - احمد - سحاب - ولد - ياسر - عصفور - نشيط ).
المصدر: