طريقة تحضير بانيه بالفراخ
عملتوا بانيه ف رمضان ولا لسه 🧐
الطريقه تحت الصور 🖤
يختي يختي يختي
جمال ودلال ❤️ ❤️
في جمال كده ؟
في جمال كده ؟
الوحده قد رأسي معرفش كانت فين دماغي وأنا بعملهم ليه مقطعتهومش بس مش مهم المهم إنهم قمر
بنحاول نخليه متماسك قدر الإمكان واللي لاحظته إنه كل ماكانت الشريحه رقيقه مش سميكه الكفر لزق فيها ليه بقي قولولي ليه! قولتولي بصوا عشان الرفيعه مبتكونش فيها سوايل كتير فالانسجه بتاعتها إنما السميكه بتكون تخينه والانسجه من جوه محتفظه بسوايل كتير فا بمجرد مابتقليها ونطلعها بتطلع العصاره بتاعتها فا بتخلي الكفر يطري ويقوم خالع إنما الرفيعه مش هتلاقي فيها عصاره فهمتوني؟
وده السجق بالبصل والفلفل فالفرن
نبتدي بالصلاة على النبي ونخش فالطريقه
هنجيب بصلايه ونبشرها وطمطمايه ونبشرها ومرقه ونفتفتها ورشة فلفل اسود وملح وتوم بودره وبابريكا ونقلبهم ف بعض ومش بحب ازود بهارات كتير عشان يفضل محافظ ع هويته
وده بانيه ومعرفش ان كان نص او اكتر بس أنا بشغل دماغي بدل أختشي مااروح اجيب نص بانيه ب١٨٠ مااجيب فرخه كامله ب ٢٥٠ج وأقول للجزار يعملي الصدر بانيه ويحطلي باقي الفراخ ف كيس واهو ابقي وفرت فلوس ووفرت أكله تانيه وبتعملك أكتر من نص ك بانيه
وبعدين نزلت بالتتبيله فوق البانيه ودعكتهم ف بعض وهسيبهم ساعه ساعتين كده زي ماتحبي
وبعدين جبت بيضتين وعليهم رسة فلفل اسود وجبت بقسماط وزودت عليه سمسم وحبة الفركه ومعلقه كبيره نسا ودي ليها فايدتين إنها بتخليه مقرمش + ان النشا بتخلي لونه فاتح وميحمرش منك أوي زي وهو بالبقسماط الساده
هنغطس فالبيض ونطلع عالبقسماط ونضغط ع البانيه كويس عشان يلزق ف أمه
وعلطول ف زيت غزير سخن وننزل بيهم لحد ما يتحمروا ويطلعوا ع شبكه او ورق من كشكول محمود أهو يعمل بتمنه
ومحدش يتريق ع طاستي عشان بتقمص جامد اوي
نيجي للسجق وصلوا ع النبي تاني عشان هنبتدي خطوه جديده، هنجيب بصل وفلفل بارد وحامي ونقطعهم جوانح وطمطمايه كبيره ونبشرها ونرشهم ملح وفلفل اسود وكمون وكسبره وتوم بودر وبابريكا ونفركهم ف بعض
وهنجيب السجق ونحط حبة زيت ونديله صدمه ع السريع عشان يمسك نفسه
وبعدين طلعته وقطعته وبراحتك عيزاها صغيره او كبيره او تسبيه زي ماهو
وهنجيب السجق ونحط حبة زيت ونديله صدمه ع السريع عشان يمسك نفسه
نهاركم أبيض ده أنا مش هسكتلكم ع التهريج ده يعني إيه تطلعولي البوستات بالتفاعل لفوق وأطلع معاهم واحلم بلقائي مع مني الشاذلي وفالاخر أصحي ع تفاعل مهبط متتفاعلي يوليه منك ليها
طريقة عمل البطاطس المقلية مثل ماكدونالدز