طريقة تحضير الفراخ المقرمشة
قاعده ف أمان الله لقيت نفسي هفانى ع الفراخ المقرمشه اللي عملتها امبارح دي ونزلتها وبقول لمحمود نفسي كده ف حتة فراخ مقرمشة و امسكها كده ع بوقي و اعملها خشخشخش .
و القرمشه دي تدخل السرور ع قلبي قالي غوري يا دنية بقيتي كل*بة أكل قولتله وانت مالك على الاقل بعمل لنفسي مش زيك قاعد مفخد و بتاكل ع الجاهز المهم قولت طالما فيها فراخ مقرمشه يبقي كول سلو و روحت قولتله انزل هاتلي كرنبة و مايونيز وطلبات كده قالي لا قولتله كنت عارفه إنه لا على فكره و. روحت سبته واتصلت ب ابو هاشم بتاع التوكتوك قولتله هاتي كرنبه صغيره من بتاعة السلطه دي قالي الكابوتشي دي ايوه عارفها قولتلها لا التانيه غيرها زي كرنب المحشي بس صغير كده و مدور ونضيف قالي اه في وحده قدامي أهي بس بعشرين قولتله ماشي زي الفل هاتها وهاتلي باقي الطلبات قالي تمام وحسيت اني ابتديت افك وانبسط قام رن الجرس ابعتي محمود ياخد الحاجه وعينكم ماتشوف الا النور جايبلي كرنبه قد رسي تلات مرات من بتاعة المحشي ودبلانه وحالتها تصعب ع الرايح والجاي المهم قولت اللهم اني لا أسألك رد القضاء ولكن أسألك اللطف فيه واتقفلت من الدنيا تاني وقعدت وحطيتها قدامي مابين خيارين اقوم اسلق الفرخه واعمل معاها محشي بالحزينه دي ولا أقطع ورقها واخد قلبها واعمل ولقتني باخد قلبها وبعمله والورق سلقته وحطيته فالفريزر وروحت لطشت محمود عشان هو السبب وجيتلكم يلا صالحوني وطبطبوا عليا ☹️
الطريقه تحت الصور 🖤✨️
يلا بسم الله
نبتدي بالصلاه ع النبي ونخش فالطريقه
هنجيب كرنبايه صغيره من السوق متعملوش زي ابو هاشم جابلي كرنبة محشي بعد ماأكدت عليه سبعه وعشرين مره انه يجيبها صغيره المهم فا كان لازم اتصرف وقومت فردتها وخدت القلب بتاعها
هننزل بالجزر والكرنب ونقلبهم ف بعض ونسيبهم ساعتين فالتلاجه ياخدوا ويدوا مع بعض وبعدين يبقوا جاهزين للأكل
في ناس بتحط نص بصله مبشوره كمان عليهم بس عايزه أقولكم لو حطيتوا مش هتحبوه لاني جربتها مش لطيفه خالص
بالشكل ده وندخلها التلاجه
بقولكم إيه أنا نفسيتي فالنازل والتفاعل فالنازل والمتابعين فالنازل وفلوسي فالنازل وصحتي فالنازل وكله فالنازل معادا وزني فالطالع وكل ده عشانكم إنتو فا نتفاعل ونرجع للاكونت تفاعله وترجعولي ضحكتي عشان ماعملش معاكم الغلط
يابنتي بقولك خشي هنا عندهم حاجات بيجيبوها من الخليج يمكن العقده تتفك وبعد ماتجيبي حاجات الخلايجه تلاقي ف وشك ثري عربي ينقذك من الزخنوء اللي عايشه فيه
طريقة عمل البطاطس المقلية مثل ماكدونالدز